Maan
Maan,
a wíimo’obe’ ka’atúul chan ch’upalalo’ob tu báaxal looxo’ob
[táan a p’o’.
U chéel a páakate’ u sinmubaj ti’ u yóom.
Máax ku yilikech je’el u ya’alik ma’atech a muk’yaj.
Ma’ u yóojel wa tu chuun u yook u kúuchil a p’o’ ka mulik
[u xoxot’al a kuxtal.
Ta chen xuuxub táan a p’o’,
a xuuxube’ junt’i’in bek’ech suum utia’al a t’inik a ka’ananil
[u ts’o’okol.
Iik’e’
u koil paal tu kóokolik a t’in nook’.
Tu jo’ol lak’in che’ob
k’iine’ juntúul chan chéech paal lek u síijil tu k’i’ik’i’itik u
[k’an k’ink’inal ok’ol.
Señora
Señora,
son tus senos dos niñas que juegan a golpearse
[cuando lavas.
El arco iris de tu mirada se halla tendido en la espuma.
Quien te viera diría que no sufres.
No sabe que a los pies de tu batea amontonas parte de
[tu historia.
Entonas un silbido,
es tu silbido un hilo y en él tenderás luego
[tu cansancio.
El viento
es un chamaco travieso que jala y jala tu lavado.
Sobre los árboles de oriente
el sol es un recién nacido que esparce sus tibias y
[amarillas lágrimas.
Autora: Briceida Cuevas Cob
Voz en maya: Adolfo Haas