Uj yéetel k’iin
Áak’abe’ tu p’ataj uj utia’al u k’ajóoltik pi’isáas.
Uje’ mix júunten u yil u yajal ka’an
mix u ki’ yúuntikuba k’ab che’.
Mix júunten u yu’ub u tsikbal ja’atskabil ch’íich’o’ob,
mix júunten u yu’ub u tsi’ikij kaaj tumen t’eelo’ob,
mix júunten u cha’ant u wenel p’uja’ yóok’ol su’uk,
yóok’ol chan xíiwo’ob.
Uje’ t’úub u cha’ant pi’isáas
ka tu yu’ubaj yaan ba’ax ku ki’ léechel tu wíinklil,
ka tu yu’ubaj yaan ba’ax ku ki’ báaytik u yoot’el.
Tu li’isaj u páakat
ka tu yilaj k’iin ku ki’ k’i’itik u k’an sáasil
yóok’ol leti’;
tu yilaj xan bix pi’isáas tu cha’aj u lu’uk’ul tumen k’iin.
K’iine tu jayaj múunyalo’ob utia’al u kutal uj.
Uje jp’aat túun ki’ tsikbal yéetel k’iin.
La luna y el sol
La noche permitió a la luna conocer el alba.
La luna nunca ha visto el despertar del cielo
ni el placentero mecer de los ramajes.
Jamás ha escuchado el barullo de los pájaros mañaneros.
Nunca ha oído cómo los gallos saludan a un poblado.
Jamás ha admirado el sueño del rocío sobre el zacatal,
sobre las pequeñas yerbas.
La luna quedó arrobada ante el alba
cuando sintió que algo gozosamente se le encaramó en el cuerpo,
cuando sintió que algo con placer acariciaba su piel.
Levantó la mirada
y vio al sol desparramar gratamente su rojiza luz sobre ella;
vio también cómo el alba se dejó engullir por el sol.
El sol contempló a la luna.
El sol tendió las nubes para que en ellas se sentara la luna.
La luna entonces se quedó a dialogar gratamente con el sol.
Autora: Briceida Cuevas Cob
Voz en maya: Adolfo Haas