Je’ bix k’iin
Je’ bix k’iin ku xíitil tu nak’ ka’ane’,
bey xan u xíitil u loolil a ki’imak óolal.
Pi’i’sáase’ u xaakil túumben waya’aso’ob.
Ka machik a míisib
ka wóok’ottik tu yéetel u yóok’otil ja’atskabil tu noj táankabil
[a taanaj.
Ka k’a’asik a chiich.
Ka k’a’asik tu tsolik u chan tsikbalil le chan xnuk
tu kaxantaj u wolisil taak’in táan u míis;
ka chan samal che’ej.
Mi tumen a wóojel te’ k’iino’ob bejla’a’
yaj u jalchajal u chan yalab taak’in.
Ka mulik u ta’ a míis;
ka t’abik,
le ken a wil táan u tóoch’ u k’áak’il,
ka pulik u ok’om óolal jo’oljeak ka jíits’tik tu billil a nook’,
a paalal túune’ tu wenel.
Como el sol
Como el sol que se abre en el cielo,
se abre también la flor de tu entusiasmo.
El alba es un canasto de nuevas ilusiones.
Tomas tu escoba
y ejecutas con ella la danza mañanera en el
[patio enorme de tu casa.
Recuerdas a la abuela.
La recuerdas cuando solía relatar el cuento de la viejecita
que se encontró una moneda mientras barría;
te sonríes.
Tal vez porque sabes que en estos tiempos
duele desprenderse de la morralla.
Amontonas la basura;
la enciendes,
y cuando arde en llamas,
echas las penurias del ayer extraídas del dobladillo de tu ropa,
mientras tus hijos duermen.
Autora: Briceida Cuevas Cob
Voz en maya: Adolfo Haas