U jo’ol in booch’
In naachmaj u jo’ol in booch’ ka’ tin wa’alaj teech:
táankelem tsíimin in puksi’ik’al ku p’úujul, ku yawat che’ej,
ku kokochaak’ ichil in tseem le ken u manak’t a taal.
Bejla’e’,
yéetel u jo’ol in booch’
táan u ts’alik u k’om óolal tin wich
tin wa’alik:
Táankelem tsíimin in puksi’ik’al táan u ch’íik u ts’ook u yiik’
chi’an tumen u k’aak’aas kaanil a p’eek.
Con la punta de mi rebozo
Con la punta de mi rebozo entre los labios te dije:
potro encabritado mi corazón relincha,
da de coces dentro de mi pecho cuando te vislumbra.
Hoy,
con la punta de mi rebozo
remojando su tristeza en mis ojos
digo:
Potro agonizante mi corazón
mordido por la serpiente venenosa de tu desdén.
Autora: Briceida Cuevas Cob
Voz en maya: Adolfo Haas