Je’el bix xux eek’
Súukchaj in wu’uyik u jóoch’ol in jáak’ iik’ ti’ jáal nak’lik.
Súukchaj in wu’uyik u xúuxub ch’eenaknakil tin tséel.
Ku sáastal,
ku ka’a tíip’il k’iin.
Ku yéek’joch’e’enta’al,
ku ka t’úubul áak’ab ichil in k’om óolal.
Juntenake’
tin jit’ik u jo’ol sáansamal,
ka tin wilaj tu sisit’áankal in pa’ataj yéetel ki’ ki’ óol,
ka joosnaj u k’áak’il in alab óolal.
U ts’o’okole’
ka k’uch tulix yéetel u pilinsut-óok’ot ichil in puksi’ik’al.
U ts’o’okole’
tech taalech tin wiknal,
je’el bix u tíip’il xux eek’ ti’ pi’isáas.
Como el lucero
Me acostumbré a sentir el decaer de mis suspiros en un rincón.
Me acostumbré a escuchar el silbido de la soledad junto a mí.
Amanece,
vuelve a asomarse el sol.
Oscurece, de nuevo cantan los grillos,
otra vez se sumerge la noche en mi tristeza.
Una vez,
cuando le trenzaba la cabellera a la rutina,
me di cuenta de que brincaba con entusiasmo mi espera,
crepitó la llama de mi esperanza.
Y después
llegó la libélula con su danza de giros en mi corazón.
Y luego
tú llegaste a mí,
así como aparece el lucero a la mañana.
Autora: Briceida Cuevas Cob
Voz en maya: Adolfo Haas